نهار العيد
عبد العالي الوالي : نهار العيد
طالع لعند المعنى
من حليب مّا
راضع الحلم من صدرها
…
علمتني نطير بهزة حنينة
وبتعنيقة شفت الجنة
…
دادوش حتى وقفت للزمان
يدها مسند
قلبها حدود الامان
…
مّا كي تصلي نبعث من جديد
في دعوتها
نتفرّد
نهار العيد
شكون بحالي يخْبرْها
…
كبرتني راجل هاد المرا
بويا ماساق خبار كيف جرا
…
نعطيها من عمري العمر
وما يوفي
مّا بنت الخير والكبرة .
*شاعر وباحث مغربي
